எந்திரன் 2ம் பாகமாக தயாராகும் இந்தப் படத்தின் நடிகர் நடிகைகள் பட்டியல், தொழில்நுட்ப கலைஞர்கள் பட்டியல் ஏற்கெனவே வெளியிடப்பட்டுள்ளது.
படத்திற்காக பின்னி மில்லிலும், கிழக்க கடற்கரை சாலையில் உள்ள ஒரு தனியார் ஸ்டூடியோவிலும் பிரமாண்ட செட்கள் அமைக்கப்பட்டு வருகிறது. படத்தின் கதை பற்றியோ, ரஜினியின் கேரக்டர் பற்றியோ இதுவரை ஷங்கர் சொல்லவில்லை. என்றாலும் படத்தின் துவக்க நிகழ்ச்சிக்கு ரஜினி எந்திரனில் வந்த விஞ்ஞானி வசீகரன் கெட்அப்பில் வந்தார். எனவே 2.0வில் வசீகரன் கேரக்டர் தொடர்கிறது என்பது உறுதியாகி உள்ளது.
படத்திற்கான தலைப்பு டிசைனோ, பர்ஸ்ட் லுக் போஸ்டரையோ ஷங்கர் வெளியிடவில்லை. ஆனால் அதற்குள் கிடைத்திருக்கிற தகவல்களை கொண்டு ரஜினியின் தீவிர ரசிகர்களான நெட்டிசன்கள் தாங்களே செய்த டிசைன்களை வெளியிட்டுள்ளனர். ஒரிஜினல் டிசைன்கூட இப்படி இருக்குமா என்கிற ஆச்சர்யத்தை ஏற்படுத்துகிற அளவிற்கு அந்த டிசைன்கள் வைரலாக பரவிக் கொண்டிருக்கிறது.
No comments:
Post a Comment